tal'mousse au viux lille et à l'rousse

[ALAN]

d'abord et avint d'commincher,dis te
bin qu'chest un t'sais quo qui va t'prind' deux heur's ed' mi,
alorss,n'tingages pon si qu't'es à l'presse!!


te faisd'abord blondir (point breûler)60 gr d'farine dins 60 gr ed'
burre.eun' fos qu'ch'est fait,te mouill's aveuc eune pinte ed' bière
rousse

si qu't'as deux canettes ed' 25 cl cha faitl'compte, si qu'ch'est
des 33,...66-50=16,it'restes eune bonne mitan d'canette pour rincer
t'bouque!


bon,achteur,equ' t'es rapuré,dins ch'tiot roux blond qu't'as
préparé,té mets du sé,du poif' (pon d'trop pour batisse) et eun' zique
ed' muscat et te laiches à fu fort douch'

te prinds un viux lille,te l'écrappes et te piles ch'fromache dins
eun' telle.t'y ajoutes 125 gr d'burre et t'écrases tout cha pour avoir
eun' pate bien lisse (comme de l'pâte à modeler hein batisse)

te balles et' préparation dins l'roux blond qui est su l'coin de
ch'fu et te goutes pour vire si ché bien assaisonné

là te prinds 800 gr d'pate feuilletée (si qu'te sais point l'faire,
te fais comme mi, te l'acates toute faite!) et te roules et' pâte à
inviron 3 millimètres

té décopes des ronds d'20 cms ed' diamét' (si qu't'as point l'compas
dins l'oeul té prinds eun' assiette à dessert) te mets au mitan eun'
grosse cuillère ed' tin rassaquache au fromach', té mouilles chés bords
intérieurs de t'pâte aveuc un pinceau et de l'iau pou qu'cha colle,te
rabats in tros fos in écrasant ché bords aveuc tes dogts,te badigeonnes
tout cha aveuc un ué d'glenne battu pou qu'cha dore bien et te laisses
arposer eune demie heure (l'timps d'printe eune jatte d'jus pour arméte
tin coeur)


là te cauffe tin four à 250 ° te saisis 10 minutes,t'ardéchins à
180° et te r'laiches cuire eune demie heure

te sers cha tout caud in intrée et t'as l'drot d'servir aveuc (ej'
diros meume :"l'devoir") eun' bonne bière rousse à timpérature ed' cave


te m'in diras des nouvelles
[Vous devez être inscrit et connecté pour voir cette image]

[Annick]

:: Faut d'abord que j'étudie la chose.